#مقابلات_شخصية (١) بكلمك اليوم عن مغامراتي بالمقابلات الشخصية اللي ما قد راح مقابله راح يستفيد مني باذن الله
#مقابلات_شخصية (٢) طبعا هالكلام ينفع اللي توهم متخرجين ... وللشباب والشبابات .. لانهم بداوا ينافسون الشباب والله يستر منهن خخخ
#مقابلات_شخصية (٣) مقابلاتي الشخصية كانت مع ارامكو وسابك وسيمنز وجينيرال اليكتريك ... يعني الـ بروفيشنال وانواع التحشير
#مقابلات_شخصية (٤) وللعلم للحين ماتوظفت خخخخ لانه قررت ادرس الماجستير بس كلهم ردوا علي وقتها لما خلصت البكالوريس / ماشاء الله
#مقابلات_شخصية (٥) لو اختصرنا تعريف المقابلة الشخصيه فهي مثل الخطوبة .. الرجل يخطب البنت .. بس هنا الشركة تخطبك .. فضبط نفسك ياحلو
#مقابلات_شخصية (٦) في المقابلة الشخصية .. الكل يكون مرعوب! مستقبلي بيروح كل شي معتمد ع هالمقابله. روّق المنجا! ترى الارزاق بيد الله
#مقابلات_شخصية (٧) محور الكلام في المقابله الشخصيه ينقسم: ١. هندامك ٢. شخصيتك ٣. السيرة الذاتيه ٤. طريقه كلامك ٥. معلوماتك
#مقابلات_شخصية (٨) بالنسبه للهندام شي مهم جدا جدا. زي ماقلتلكم المقابلة الشخصية مثل الشوفه الشرعيه ياترتاح الشركة وتوظفك يا ...
#مقابلات_شخصية (9) علشان كذا .. حاول تكون ملتزم بزي انيق ورسمي اذا كانت الشركة حكومية! ومافيها شغل ميداني .. ضبط الغترة وكثّر النشا وثوب يلق
#مقابلات_شخصية (١٠) اذا كانت شركة خاصه .. فغالبا لاتروح بالثوب! رح لهم ببدله بزنس كاجوال وهي قميص رسمي وبنطلون رسمي مو جينز. شي مهم
#مقابلات_شخصية (١١) بالنسبه للبنات ياحظهم باللبس .. عبايه وبس
HR مسؤوله التوظيف امرأه يمكن يختلف الوضع!
#مقابلات_شخصية (١٢) بالنسبه للشخصيه خليك واااااااثق! ادري ماعندك بالسي في خبره ادري ان الاي قدامك معصب ادري انه ... الخ ماعليك .. خلك واثق
#مقابلات_شخصية (١٣) في بعض المقابلات الشخصية اللي سويتها كثير من مسؤولي التوظيف حاولوا استفزازي ترا هدفهم يشوفون انت عصبي ولا لا
#مقابلات_شخصية (١٤) احيانا في بعض الشركات الكبيرة وبدون ذكر اسماء يعتمدون ان يكلمونك بالعربي وبعدين يقولون لك ليه ماتعرف انجليزي؟ (استفزاز)
#مقابلات_شخصية (١٥) نجي للـ
resume or CV
وهي اهم اهم شي! تخيل تبي تبيع شي! ماتبيه باحسن صورة للمشتري؟ نفس الموضوع
#مقابلات_شخصية (١٦) السي في باختصار .. هي طريقه عرض ابداعاتك وخبراتك بطريقه منسقه وجميله تُبهر اللي قدامك وتقنعه بتوظيفك.
#مقابلات_شخصية (١٧) للاسف .. كثير من طلابنا وطالباتنا مايهتمون فيها ابدا ابدا. تكلمت مع الكثير من مسؤولي التوظيف والاغلبيه ينتقد الطلاب.
#مقابلات_شخصية (18) في احد المقابلات الشخصيه مع ارامكو .. احد زملائي نسي يجيب معه السي في ورفض مسؤول التوظيف مقابلته لاتنسونها! ☝
#مقابلات_شخصية (١٩) في المقابله الشخصيه ... المسؤول عن التوظيف عنده عشرات غيرك! ليه يوظفك انت بس؟ سؤال لازم تساله لنفسك
#مقابلات_شخصية (٢٠) دراسات تقول ان المسؤولين عن التوظيف يستغرقون مابين ٤٠ ثانيه و دقيقه لقراءة السيفي. لازم تخليها ملفته للانتباه
#مقابلات_شخصية (٢٢) غالبا اكثر السيفيهات المفروض تكون باللغه الانجليزيه! بس يعتمد علي مكان العمل ... غالبا عربي او انجلش نفس التنسيق
#مقابلات_شخصية (٢٣) السيفي تحتاج صراحه لهاشتاق ثاني وفيه دورات خاصه تُعط للطلاب والطالبات ... لذلك ساتحدث عنها لاحقها وكيفيه كتابتها
#مقابلات_شخصية (٢٤) نجي لموضوع طريقه كلامك. بعض الشركات البروفيشنال/ ارامكو سابك الخ تتكلم معك بالانجلش .. مهم الانجلش يا انجلش ?
#مقابلات_شخصية (٢٦) ومو انجلش عادي انجلش بكلمات صعبه احيانا! وانت انجليزيتك ع قدك صح؟ لا تخاف ... خلك واثق
#مقابلات_شخصية (٢٧) اذكر لكم موقف صار لي مع احد الشركات الكبيرة طلب مني اتكلم في موضوع وانا اصلا ما ادري وش معني الكلمه اللي قالها! ههه
#مقابلات_شخصية (٢٨) ويبدا الشيطان يلعب بعقلك! ها ابدا اصرف من راسي؟ ولا اقوله ما اعرف؟ ولا يمكن يعرف ان ماعندي سالفه؟ حيرة؟
#مقابلات_شخصية (٢٩) عادي جدا ... الحل المنطقي انك تساله عن معني الكلمه! ترا عااادي جدا .. خصوصا اذا كانت الكلمة تكنيكال مره وجديده عليك
#مقابلات_شخصية (٣٠) احد المواقف الاستفزازيه والاي تتعلق بطريقه الكلام سالني احد موظفي التوظيف اذا كنت اعرف اتكلم انجلش قلت له اكيد
#مقابلات_شخصية (٣١) في نهاية المقابله قالي ... ياسر لازم تضبط انجليزيتك! ماتكلمت ولا كلمة انجلش انا داخليا كنت اغلي وودي اضربه!!!!!
#مقابلات_شخصية (٣٢) بس طبعا قلت له! عفوا ياستاذي انت جالس تتكلم عربي وتبين اتكلم انجلش؟ بكل ادب اتكلمت من حقك ترد بادب
#مقابلات_شخصية (٣٣) وبعضهم في المقابله الشخصيه يرتاح معك مره ويمون ويبدا يحكيك عن بنته الصغيره والفنون والادب نصيحه لا تطيح الميانه معه
#مقابلات_شخصية (٣٤) صورة للي سالوني عن للبزنس كاجوال الخاص بالشركات للشباب والشابات
#مقابلات_شخصية (٣٥) وبلير ياشباب وياشابات بليز نو كدش نو علك خليك مرتب وذوق.
#مقابلات_شخصية (٣٦) هذي مشاركة في صميم الموضوع من اختنا مها .. مفيدة جدا https://twitter.com/__lavender__/status/211537522650644482
#مقابلات_شخصية (٣٧) نتكلم الان عن الجزء الاهم من المقابله وهي عبارة عن نوعية الاسئلة.
#مقابلات_شخصية (٣٨) اكملت مايقارب ١٣ مقابله مابين سابك ارامكو جينيرال اليكتريك وغيرها واسئلتهم جدامتقاربه
#مقابلات_شخصية (٣٩) تخيل انك تكون مجهّز اجوبه لاسئلتهم؟ بتكون بيرفكت وجدا واثق افضل من انه يباغتك باسئله تحتاج لسه انك تفكر فيها
#مقابلات_شخصية (٤٠) السؤال الاول والاهم ... دائما وفي كل مكان وزمان
Yasser, who are you, talk about yourself? الاجابه ف التغريده القادمة
#مقابلات_شخصية (٤١) الكثير للاسف لما يجيهم هالسؤال يبدون من لما كانوا اطفال مثل: درست الابتدائي في .. ولما كنت صغيراتمني اني اطير
#مقابلات_شخصية (٤٢) الاجابه الصحيحه/ هو يبي يسمع شي يهمه علشان كذا ابدا بتاريخ تخرجك من الجامعه وتقديرك ونسبتك وانك تدربت صيفي في شركة
#مقابلات_شخصية (٤٣) وهل عندك مهارات ماهي عند احد مثل اتفان برامج خاصه .. خبره في شي معين .. سافرت للغه الخ
#مقابلات_شخصية (٤٤) نصيحه!لا تستغرق في الاجابه ع هالسؤال اكثر من ثلاث دقايق! تراه مو فاضي لك وبنفس الوقت بيعطيك جوّك ويخليك تخبص ع كيفك!?
#مقابلات_شخصية (٤٥) السؤال الثاني ..
Why should I approve you? وش السبب اللي يخليني اوظفك؟
#مقابلات_شخصية (٤٦) طبعا بهذا السؤال راح ينزل نظارته هههه ويطالعك بنظرات ويفتح القلم ويبدا يسجل وتبدأ انت تتنافض! وش قلنا! خلك واثق
#مقابلات_شخصية (٤٧) الاجابه/ لازم تبين انك مهتم بالشركة .. مثلا لو ارامكو سالتك هالسؤال بيّن لهم انه ارامكو حلم حياتك! طبعا بجديه مو كذب
#مقابلات_شخصية (٤٨) جاوب بانه انت اخترت هالوظيفه لانه تحقق رغباتي ولذلك انا راح اكون جدا نشيط فيها لان هالمكان يخليني ابدع.
#مقابلات_شخصية (٤٩) خل اجاباتك واضحه! لا تضيع اللي قدامك او تكون اجاباتك متناقضه .. ترا بعضهم همه يمسك عليك تناقض بكلامك
#مقابلات_شخصية (٥٠) السؤال الثالث/
Where do you see yourself after 10 years? وين تشوف نفسك بعد ١٠ سنين وهذا اعقد سؤال
#مقابلات_شخصية (٥٢) مثال/ اشوف نفسي تزوجت و سويت لي بزنس خاص مثلا ارامكو ما راح تعجبهم هالاجابه! وسابك عجبتهم!
#مقابلات_شخصية (٥٣) ارامكو يقولي ترا احنا نطلب من الموظف انه يعطي كل جهده في العمل هل تظن بانه الشغل الخاص بيشغلك عنا؟ حشرني بالزاويه
#مقابلات_شخصية (٥٤) وقالي لو رحت للاماكن النائيه احنا مانفضل المتزوجين خخخخ! اما سابك فقالواي حلو انك تكون اجتماعي و و
#مقابلات_شخصية (٥٥) طبعا هالشي لايعني ان سابك احسن من ارامكو او العكس .. انت ذكرت امثله فقط .. و كل قسم داخل الشركة يختلف واجابتك تعتمد.
#مقابلات_شخصية (٥٦) السؤال الرابع/
what do you think your salary would be? كم تتوقع راتبك بيكون؟
#مقابلات_شخصية (٥٧) الاجابه ع هالسؤال لازم تكون منطقيه لابعد حدود! لايجي واحد ويقول ابي اربعين الف! حتي لو انك متخرج من هارفارد
#مقابلات_شخصية (٥٨) وبنفس الوقت لازم تعرف كم حدود راتبك وتسال قبل المقابله اصحابك .. زملاء ابوك الخ علشان لا تعطيهم رقم فلكي
#مقابلات_شخصية (٥٩) بنفس الوقت من حقك تقول انا راضي بالراتب المخصص من الشركة للوظيفه هذي. هنا بعدت نفسك عن المشاكل
#مقابلات_شخصية (٦٠) حط في بالك انت/ـي توك متخرج من الجامعه! خبره = زيرو يعني اطلب المعقول. ولا تبالغ
#مقابلات_شخصية (٦١) السؤال الخامس
What is your biggest acheivment? ماهو اكبر/اهم شي حققته في حياتك؟
#مقابلات_شخصية (٦٢) توضيح/ الهدف من سؤال الراتب بيشوفون هل انت مهتم بالفلوس اكثر شي او هدفك انك تتوظف؟ ترا السؤال مخادع جدا جدا .. لايغريك
#مقابلات_شخصية (٦٣) الشركة غالبا بتحطك في المكان المناسب فلا تخاف ع سالفة الراتب الا اذا كان فيه ظلم واضح
#مقابلات_شخصية (٦٤) نرجع لسؤال اهم انجاز الجواب المفترض يكون شي يهم الشركة مثلا: اتزوجت .. بنيت عمارة ... كلها مرفوضه
#مقابلات_شخصية (٦٥) مثال للاجابه: ١. كنت التيم ليدر في مشروع تخرجي وحصلنا علي درجة ممتازة ٢. تغلبت على مشكله عدم التنظيم في حياتي
#مقابلات_شخصية (٦٦) الاجابه ع السؤال لازم تكون بصيغه انجاز. شي حققته وتغلبت ع نفسك فيه اقلعت عن التدخين ... اجابه رائعه بشرط انها حقيقه
#مقابلات_شخصية (٦٧) السؤال السادس
Tell me about a big problem that u've solved? حدثني عن مشكله كبيرة حصلت لك وحليتها
#مقابلات_شخصية (٦٧) الاجابه لازم تكون شي يجذب الشركة مثال/ كنت في فريق عمل غير متعاون في الجامعه وبعد التنظيم والحوار مع الجميع تغير الوضع
#مقابلات_شخصية (٦٨) مثال اخر/ ف الجامعه انا انسان غير منظم استطعت احل هالمشكلة فيني واصبحت جدا منظم انا = انت ايها المقبل على المقابلة
#مقابلات_شخصية (٦٩) السؤال السابع
What is your biggest failure? ماهو اهم اخفاق في حياتك؟
#مقابلات_شخصية (٧٠) طبعا ماشاء الله تبارك الرحمن .. اغلب طلابنا وطالباتنا يجاوبون ... انا ماعندي اخفاق الحمدلله طيب يابيرفكت طيب
#مقابلات_شخصية (٧١) طبعا هالاجابه مرفوووووضه رفضا باتا لانه الكمال لله. جاوبهم بجواب لازم تجاوب.
#مقابلات_شخصية (٧٢) مثال للاجابه/ مشكلتي الكبرى هي اني ما اصحي بدري واخاف هالشي ياثر علي بالحضور لكن انا الان احاول احل هالمشكله
#مقابلات_شخصية (٧٣) الاجابه السابقه اجابه ذكيه لانها احتوت على ١. مشكله بسيطه ٢. مشكلة عامة لان اغلب الموظفين يتاخرون
#مقابلات_شخصية (٧٤) امثله ثانيه للاجابه/ مشكلتي اني اسلم الشغل في الوقت المحدد او لما يكون فيه ضغط بالعمل تقل انتاجيتي ... الخ
#مقابلات_شخصية (٧٥) طبعا كل الاسئله السابقه ماعدا سؤال الراتب كلها اسئله عامه ... واغلب الشركات تبدا بها اذا مو كلها.
#مقابلات_شخصية (٧٦) نجي للاسئله الخاصه وهي الجزء العملي بوظيفتك مثلا انا كمهندس ... يحشروني باسئله مدري من وين
#مقابلات_شخصية (٧٧) مثلا ... ماهو
Standard frequency المستخدم في بريطانيا :( < لا تسوي كذا اذا ماعرفت الاجابه هههه
#مقابلات_شخصية (٧٨) مثلا ... وش انواع
Generators
المستخدمة في السعوديه؟ طيب انا درست كل الانواع بالكتب وش يدريني عن السعوديه؟
#مقابلات_شخصية (٧٩) الجواب اما تعرف او ما تعرف! طيب اذا ما عرفت كيف تجاوب؟ او انك نسيتها واخذتها بثاني جامعه وش يذكرك الان؟
#مقابلات_شخصية (٨٠) بكل بساطة تقدر تجاوب وتقول ١. ارجوك تعذرني هالمعلومة مرّت علي ونسيتها بس لو رجعت لمصادري وكتبي اقدر اطلعها بسهوله
#مقابلات_شخصية (٨١) ٢. تجاوب بانك ماعندك الخبرة العمليه اللي تخليك تعرف انواع المولدات اللي بالسعوديه لانك ما اشتغلت (كمثال)
#مقابلات_شخصية (٨٢) لو ماعرفت تجاوب عادي ترامو نهاية العالم والمقابله الشخصيه عبارة عن حوار .. اخذ وعطى! ما راح يقولك اطلع برئ لو سمحت! ?
#مقابلات_شخصية (٨٣) احد المواقف الاي صارت لي باحد المقابلات الشخصية انه سالني احد المهندسين سؤال وما كان واضح فجاوبته بحسب فهمي
#مقابلات_شخصية (٨٤) فقالي خطأ! قلت له/ مع احترامي اعتقد انه صح والسبب ... كذا وكذا مع انه الخطأ منه لكن اعجبه فيني ثقتي باجابتي!
#مقابلات_شخصية (٨٥) لانه احتمال يغلطك ويبي يتاكد بس انت تقول كلام فاضي ولا عن علم! فخليك واثق واثق واثق. واستعن بالله
#مقابلات_شخصية (٨٦) احد النقاط المهمة .. احتمال مايقابلك شخص واحد ... احتمال يقابلك ٦ اشخاص
? < قصه حقيقيه صاير قدامهم كأني فريسه خخخ
#مقابلات_شخصية (٨٧) احد المقابلات قابلني مهندس بريطاني ومهندسين سعوديين والبريطاني من كثر التحشير صاروا السعوديين يقولون له هدّي الوضع ?
#مقابلات_شخصية (٨٨) واستفزني البريطاني كثير كثير لدرجة لما اجاوبه يقولولي انت شكلك ماتفهم؟ ليش اجابتك بجهه بعيد جدا عن السؤال ?
#مقابلات_شخصية (٨٩) وقالي بعد ... يبدو انك غير مهتم في الوظيفه وكذا مره قاطعني بالكلام ! مع العلم بامكاني اقوله .. اسمح لي اكمل كلامي.
#مقابلات_شخصية (٩٠) لكن باخر المقابلةمسكني ع جنب ... وقالي اعتذر اذا كنت قاسي عليك ... يبدو انك اجتزت المقابلة بنجاح وانا اتشرف بمعرفتك!!!
#مقابلات_شخصية (٩١) بالاخير احب اقولكم ان الارزاق بيد الله كلنا نعرف انه فيه واسطات وبعضهم مايبي السعوديين .. نعم حقيقه! لكن توكل ع الله
#مقابلات_شخصية (٩٢) وحط في بالك لو ان الله كاتب لك هالوظيفه بتاخذها غصب عن مدير الشركة وربي راح يهيأ لك الوظيفه بدون ماتدري كيف او ليش.
#مقابلات_شخصية (٩٣) كل التغريدات السابقة هي مجرد جهد شخصي تختلف بحسب الشركة ونوع الوظيفه. قد تفيد بعض الاشخاص وقد لا تفيد البعض الاخر
#مقابلات_شخصية (٩٤) هذا الشخص لديه مقاطع كثيره واجابات رائعة للمقابلات الشخصيه .. استفدت منه شخصيا (بالانجليزي) http://www.youtube.com/watch?v=RQLY2xKLlDk
#مقابلات_شخصية (٩٥) هذا موقع لاصعب الاسئله اللي ممكن تنسأل عنها في المقابلة الشخصيه http://www.collegegrad.com/jobsearch/mastering-the-interview/ten-tough-interview-questions-and-ten-great-answers/
#مقابلات_شخصية (٩٦) نسيت اقول انه لاتنسى: ١. تنام بدري/ تجيهم وانت دايخ مو حلوة
? ٢. تفطر وتصحصح ☕
#مقابلات_شخصية (٩٧) مثال لمقابلة شركة
Google
للي مايبي يجيه احباط لا يطالع الفديو ?? اونلاين انترڤيو!?
#مقابلات_شخصية (٩٨) اخيرا .. ادخل موقع الشركة وجمّع عنها معلومات اذا ماتعرف عنها شي ... لاتروح الا وانت مفصفصهم وعارف تخصصهم
#مقابلات_شخصية (٩٩) والحمدلله رب العالمين. التغريده رقم ١٠٠ راح يكون فيها كل التغريدات السابقه بعد ما اجمعها في لينك واحد باذن الله شكرا
#مقابلات_شخصية (100 التغريده الاخيره كانت عباره عن هذا التويتميل
ليست هناك تعليقات:
إرسال تعليق