التهديد نادر الأسيوطي
جائني التهديد التالي
من واحدة بتقولي يا خالي
ابعد حبه وسيبك منها
طبل خلي الليلة تلالي
سيبك م النخوة وسكتها
دا الليلة انا شمه ريحتها
والاعدام ساكن آخرتها
طنش ..كبر.. انت الغالي
انا سامعه من صاحب بابا
ان البعدا ياصاحبي ديابه
راح يخدوك دوغري علي نيابه
لو مكنتش تبعد طوالي
قولتلها بصي يا بت اختي
لو كان السجن من بختي
مش راح اولول يانا يا حستي
في سبيلك أنتي وعيالي
في سبيل العزة والنخوة
راح نكسر الهمم الرخوة
ونجدد ف القلب اللهفه
والرايه تبقي في العالي
كلمات نادر الأسيوطي
