بمناسبة التقشف
قصيدة أحمد فؤاد نجم “الفول واللحمة”
“عن موضوع الفول واللحمة صرح مصدر بيه مسئول
إن الطب إتقدم جدا والدكتور محسن بيقول
إن الشعب المصري خصوصا من مصلحته يقرقش فول
حيث الفول المصري عموما يجعل من بني أدم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم أضاف الدكتور محسن إن اللحمه دي سم أكيد
بتزود أوجاع المعدة وتعود على طولة الأيد
وتنيم بني ادم وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث إن أنتو عقول العالم والعالم محتاج لعقول
ما رأى جنابك وجنابهم فيه واحد مجنون بيقول
إحنا سيبونا نموت باللحمة وأنتو تعيشوا وتاكلوا الفول
مارأيك ياكابتن محسن مش بالذمة كلام معقول؟”
ليست هناك تعليقات:
إرسال تعليق